🚀🚀 चंद्रयान -थ्री🚀🚀
🇮🇳🇮🇳 ( सरसी छंद )🇮🇳🇮🇳
चंद्रयान- थ्री के भारत हा, करत हबय अभियान।
इसरो के वैज्ञानिक मन हा,येकर धरे कमान ।।
लइकापन मा चंदा मामा, कहिके गावन गान।
उँहे पहुँचही अब भारत के, तीसर चंदायान।।
भेद खोलही नवा-नवा अब,सुग्घर चंद्र विमान।
दक्षिण कोती जाके लाही,पानी-खनिज निशान।।
अंतरिक्ष मा पकड़ बाढ़ही, छाही हिन्दुस्तान ।
यात्रा पूरा करके बनही, हमर देश के शान।।
नाँव हबय विक्रम लैंडर के, रोवर हे प्रज्ञान।
चित्र भेजके चंदा के ये, दिही मधुर मुस्कान।।
आस लगाहें जन भारत के, हरय उदीम महान।
बने सफलता पाही येहा, करही जग कल्यान।।
येकर पाछू वैज्ञानिक मन, देवत हें बड़ ध्यान।
श्रीहरिकोटा के धरती ले, कर डारिस प्रस्थान।।
रचना:- कमलेश वर्मा(व्याख्याता ) भिम्भौरी, बेमेतरा,छत्तीसगढ़, मो.9009110792
